قصيدة جديدة لابن فطيس //عزلية //

**المراقب العام** الإثنين يوليو 19, 2010 10:11 am

ياللي دخلت السوق وقف بحاكيك ,,, وش ذا العيون اللي تسوي سوايا

كهربتني بالعين والله يجازيك ,,, نظرات شلت في ظميري خلايا

لولا فيوز (ن) وسط قلبي تماتيك ,,, ماكان عين من فؤادي بقايا

يفصل الا من شاف هاذي وهاذيك ,,, صاده مواقف من بنات القرايا

قالت: تحمد يوم ربي منجيك ,,, ولا توقف في طريق الصبايا

قلت : الصبايا والمزايين تفديك ,,, ماشفت عينك في جميع البرايا

قالت: هذي عيني عسى الله يقويك ,,, وشلون لو بتشوف باقي المزايا

لكن مادامك ممن القلب بسويك ,,, رح في طريقك والنوايا مطايا

ولا ترى بتعبك واعلن تحديك ,,, واشوف قلبك بيتحمل حلايا

قلت : اسمعي وان فزت قالت : بكافيك ,,, على حسابي من محل الهدايا

بس انتظر لحظه بسيطه وارويك ,,, ثم اظهرت ثغر (ن) زهته الثنايا

قلت : انتبه ياقلب منها توطيك ,,, واسمع صداه يصيح خلف الحنايا

ثم انفجر جد الفيوز التماتيك ,,, و اقفت وانا اجمع بقايا الشظايا